چین میں کورونا وائرس سے ہلاکتیں 563 ہوگئیں

بیجنگ (ڈیلی اردو) چین میں کورونا وائرس سے مزید 73 افراد کی موت کے بعد ہلاکتوں کی کل تعداد 563 ہوگئی ہے، جبکہ 3 ہزار 694 نئے کیسز رپورٹ ہونے کے بعد ابھی تک متاثرہ افراد کی تعداد 28 ہزار 18 ہوگئی ہے۔

چین کے صوبے ہوبائی میں کوروناوائرس سے 70 ہلاکتیں رپورٹ ہوئی ہیں، ووہان شہر میں کنونشن سینٹر کو اسپتال میں تبدیل کر دیا گیا ہے جہاں کورونا وائرس سے متاثر مریضوں کا علاج جاری ہے۔

دوکروز شپس کو قرنطینہ میں تبدیل کر دیا گیا ہے، جاپان کے ساحلی علاقے یوکوہاما میں موجود کروز پر کوروناوائرس کے 20 کیسز رپورٹ ہوئے ہیں۔

ہانگ کانگ میں موجود کروز پر مسافروں میں سے کوروناوائرس کے 3 کیسز کی تصدیق ہوئی ہے، جبکہ 31 دیگر ممالک میں کورونا وائرس کے اب تک 258 کیسز سامنے آچکے ہیں۔

دوسری جانب عالمی ادارہ صحت کا کہنا ہے کہ کوروناوائرس کی ویکسینز اور علاج سے متعلق غور کیلئے سیکٹروں ماہرین صحت 11 اور 12 فروری کو جنیوا میں جمع ہو رہے ہیں، جبکہ ڈبلیو ایچ او کی بین الاقوامی طبی ماہرین پر مشتمل ٹیم جلد ہی چین جائے گی۔