چین نے 700 لاپتہ، اغواء شدہ بچوں کو بچا لیا، 86 ملزمان گرفتار

بیجنگ (ڈیلی اردو/شِنہوا) چینی حکام نے 2021کے اوائل سے 700سے زائد لاپتہ اور اغواء شدہ بچوں کو بچاتے ہوئے 86 مشتبہ افراد کو گرفتار کیاہے۔

وزارت عوامی تحفظ نے سوموار کے روز ایک بیان میں کہاہے کہ کچھ بچے اپنے والدین سے 30 سال سے زائد عرصہ سے جدا تھے، انہیں مقامی عوامی تحفظ بیوروز کی مدد سے گھروں کو واپس بھیجا گیا۔

اغواء کیخلاف ملک گیر مہم میں ملک بھر کے عوامی تحفظ کے اداروں نے بروقت انداز میں ”انسداد اغواء کاری ڈی این اے نظام“ اور متاثرین کی معلومات جاری کرنے کیلئے ایک لائن پلیٹ فارم کی مدد سے بچوں کی اسمگلنگ کے کیسز حل کئے ہیں۔

وزارت نے تحقیقات کرنے اور مشتبہ افراد کو گرفتار کرنے کیلئے مزید کوششیں کرنے پر زور دیا اور عوام سے انسداد اغواء کی سرگرمیوں اور لاپتہ بچوں کو اپنے خاندانوں کے ساتھ ملانے میں مدد کرنے کا مطالبہ کیا ہے۔