ڈیرہ اسماعیل خان سے سرکاری سکول کے تین ملازمین اغوا

ڈی آئی خان (نمائندہ ڈیلی اردو) پاکستان کے صوبے خیبر پختونخوا کے ضلع ڈیرہ اسماعیل خان سے سرکاری اسکول کے تین ملازمین کو اغوا کر لیا گیا ہے۔

تفصیلات کے مطابق 22 فروری کو تحصیل کلاچی کے علاقے مڈی میں واقع گورنمنٹ گرلز ہائی سکول کے مردانہ سٹاف کو نامعلوم مسلح افراد نے اغوا کر لیا۔ اغوا ہونے والوں میں عبدالجبار، محمد رمضان، اور محمد داؤد شامل ہیں۔

سرکاری ذرائع کے مطابق پولیس نے واقعے کی تصدیق کرتے ہوئے اغوا شدہ افراد کی بازیابی کے لیے فوری طور پر آپریشن شروع کر دیا ہے۔

پولیس ترجمان کے مطابق، واقعے کی اطلاع ملتے ہی سیکیورٹی فورسز کو متحرک کر دیا گیا ہے اور علاقے میں سیکیورٹی کے اضافی اقدامات کیے گئے ہیں۔