ڈیرہ اسماعیل خان میں آپریشن: میجر سبطین سمیت 2 اہلکار ہلاک، 3 دہشت گرد مارے گئے

واشنگٹن (ش ح ط ) پاکستان کے شورش زدہ صوبہ خیبر پختونخوا کے ضلع ڈیرہ اسماعیل خان کے علاقے درابن میں پاکستانی طالبان کے خلاف جاری آپریشن کے دوران پاک فوج کے میجر سبطین رضا ہزارہ سمیت دو اہلکار ہلاک ہوگئے۔

سرکاری ذرائع کے مطابق کالعدم تحریک طالبان پاکستان کے گنڈا پور گروپ کے تین دہشت گرد بھی مارے گئے اور متعدد زخمی ہوئے ہیں۔ 

علاقے میں سیکورٹی فورسز کی کارروائیاں ابھی جاری ہیں۔

دریں اثنا، تھانہ ڈیرہ ٹاؤن کی کھتی چیک پوسٹ پر دہشت گردوں کے حملے میں انچارج چیک پوسٹ احمد نواز ہلاک ہوگئے۔ 

ڈیرہ اسماعیل خان پولیس کے مطابق، اہلکاروں نے بہادری سے مقابلہ کرتے ہوئے دہشت گردوں کے حملے کو ناکام بنایا۔

پولیس اہلکار احمد نواز کی نمازِ جنازہ اعجاز شہید پولیس لائنز ڈیرہ اسماعیل خان میں سرکاری اعزاز کے ساتھ ادا کر دی گئی۔

اس سے قبل 20 مارچ 2025 کو تحصیل کلاچی کے علاقے کڑی ملنگ میں ہونے والے ایک آپریشن کے دوران سیکیورٹی فورسز نے کالعدم تنظیم کے 10 شدت پسندوں کو ہلاک کیا تھا۔ اس کارروائی میں ایس ایس جی کمانڈو پاوندہ بٹالین کے کیپٹن حسنین جٹ سمیت تین اہلکار ہلاک ہوگئے تھے۔