ڈیرہ اسماعیل خان میں سی ٹی ڈی کا دہشت گردوں کا گھیراؤ، فائرنگ کا تبادلہ

ڈی آئی خان (نمائندہ ڈیلی اردو) صوبہ خیبر پختونخوا کے ضلع ڈیرہ اسماعیل خان میں سی ٹی ڈی اور دہشت گردوں کے درمیان فائرنگ کا تبادلہ ہوا ہے۔

ڈیرہ اسماعیل خان کی تحصیل درابن کے علاقے کوٹ عیسی خان میں دہشتگردوں کی سی ٹی ڈی ٹیم پر فائرنگ، سی ٹی ڈی اہلکار محفوظ رہے جبکہ دہشت گرد فرار ہوگئے۔#DIKhan #Pakistan @Natsecjeff

— Shabbir Hussain Turi (@ShabbirTuri) September 12, 2022

سرکاری ذرائع کے مطابق تحصیل درابن کے علاقے کوٹ عیسی خان میں دہشتگردوں کی اطلاع پر سی ٹی ڈی ٹیم نے چھاپہ مارا، دہشت گردوں نے سی ٹی ڈی ٹیم پر فائرنگ کر دی۔ تاہم سی ٹی ڈی اہلکار محفوظ رہے جبکہ دہشت گرد فرار ہوگئے۔

دوسری جانب کالعدم تحریک طالبان پاکستان نے دفاعی حملے کی ذمہ داری قبول کرلی۔

ترجمان محمد خراسانی نے دعویٰ کیا ہے کہ فوج نے مجاہدین پر چھاپہ مارنے کی کوشش کی مگر مجاہدین معمول کے مطابق پہلے ہی سے تیار بیٹھے تھے اور جوابی حملہ کرکے چھاپہ مکمل طور پر ناکام بنادیا، فائرنگ کا تبادلہ کافی دیر تک جاری رہا۔

جوابی فائرنگ سے سی ٹی ڈی کے کئی اہلکار ہلاک و زخمی ہوئے۔