ڈیرہ اسماعیل خان میں مسافر بس پر فائرنگ، 5 افراد زخمی

اسلام آباد (نمائندہ ڈیلی اردو) صوبہ خیبر پختونخوا کے ضلع ڈیرہ اسماعیل خان میں دہشت گردوں کی بس پر فائرنگ کے نتیجے میں 5 افراد زخمی ہوگئے۔

ڈیلی اردو کے مطابق بروز ہفتہ دوپہر بارہ بجے کے قریب ڈیرہ اسماعیل خان کے علاقے مغل کوٹ کے قریب مسافر بس پر دہشت گردوں کی فائرنگ سے 14سالہ بچے سمیت 5 افراد زخمی ہوگئے۔ زخمیوں میں 2 افراد کی حالت تشویشناک بتائی یے۔ مسافر بس اسلام آباد سے کوئٹہ جارہی تھی۔

معتبر ذرائع کا کہنا ہے کہ مغل کوٹ خیبر پختونخوا اور بلوچستان کے سرحد پر واقع ہے۔ زخمیوں کو سی ایم ایچ ژوب منتقل کر دیا گیا ہے۔

سیکورٹی حکام نے مقامی صحافیوں کو واقعے کی خبر نشر کرنے سے روک دیا گیا تھا۔

یاد رہے کہ کچھ عرصہ قبل ڈیرہ اسماعیل خان میں ایک مسافر بس پر دہشت گردوں نے حملہ کر دیا تھا۔

پولیس کے مطابق بس درازندہ سے ڈی آئی خان جا رہی تھی کہ دہشت گردوں نے سواریوں کو زبردستی گاڑی سے اتار کر گاڑی کو اغوا کرنے کی کوشش کی اور بس کو آگ لگا دی۔ آگ سے بس مکمل طور پر جل گئی۔

پولیس کے مطابق دہشت گردوں نے ڈرائیور کو تشدد کا نشانہ بھی بنایا۔

پولیس کا کہنا ہے کہ دہشتگردوں نے گاڑی کے مالک کو حکومت کا ساتھ نہ دینے کی وارننگ دی تھی، دہشتگردوں نے طالبان کے خلاف بیان اور حکومت کے ساتھ دینے پر جان سے مارنے کی دھمکی بھی دی۔