ڈیرہ اسماعیل خان میں نامعلوم افراد کی فائرنگ، 2 افراد ہلاک

ڈی آئی خان (ڈیلی اردو) خیبرپختونخوا کے ضلع ڈیرہ اسماعیل خان میں نامعلوم افراد کی فائرنگ سے 2 افراد ہلاک ہوگئے۔

حکام کے مطابق ڈیرہ اسماعیل خان میں چنڈہ کے علاقے میں نامعلوم دہشت گرد واردات کے بعد فرار ہوگئے۔

پولیس نے مقتولین کی لاشوں کو پوسٹمارٹم کے لیے ڈسٹرکٹ ہیڈ کوارٹر ہسپتال منتقل کرکے ملزمان کی گرفتاری کے لیے علاقے میں سرچ آپریشن شروع کردی۔

خیال رہے کہ گزشتہ روز سی ٹی ڈی اور سیکیورٹی فورسز نے مشترکہ کارروائی کرتے ہوئے 3 دہشت گردوں کو ہلاک کردیا تھا۔

کاؤنٹر ٹیررازم ڈپارٹمنٹ کے مطابق ڈیرہ اسماعیل خان میں سی ٹی ڈی اور سیکیورٹی فورسز نے مشترکہ کارروائی کی، جہاں مقابلے کے دوران کالعدم تنظیم تحریک طالبان پاکستان گنڈا پور گروپ کے 3 دہشت گرد ہلاک جبکہ ایک فرار ہوگیا۔