ڈیرہ اسماعیل خان: کالعدم تحریک طالبان پاکستان کے مسلح دہشت گردوں نے یارک ٹول پلازہ کو لوٹ لیا

اسلام آباد (ش ح ط) صوبہ خیبر پختونخوا کے ضلع ڈیرہ اسماعیل خان میں کلاشنکوفوں اور راکٹ لانچروں سے مسلح دہشت گردوں نے ڈکیتی کی دیدہ دلیرانہ واردات میں یارک ٹول پلازہ کے پرچی بوتھوں اور پلازہ کے کمرہ سے 7 لاکھ 30 ہزار روپے کی نقدی لوٹ لی۔

ڈیرہ اسماعیل خان آپڈیٹ: یارک پولیس اسٹیشن نے بلال جتوئی کے مدعیت میں کالعدم تحریک طالبان پاکستان گنڈہ پور گروپ کے کمانڈر شیرین عرف شیرنی' عمران عرف نٹی' افتخار ولد زبیر سمیت 15 دہشت گردوں کے خلاف ڈکیتی کا مقدمہ درج کرلیا۔#TTP #DIkhan #Pakistan https://t.co/jz4pdBxBGc

— Shabbir Hussain Turi (@ShabbirTuri) February 28, 2023

تفصیلات کے مطابق تھانہ یارک میں سرکاری ملازم بلاول الدین جتوئی بلوچ نے رپورٹ درج کرائی ہے کہ میں اور عبدالاحد سولنگی یارک ٹول پلازہ کی چھت پر سوئے ہوئے تھے کہ رات کے وقت ٹول پلازہ کے سیکورٹی گارڈ محمد عثمان نے ہمیں نیند سے اٹھایا اور بتایا کہ نیچے یارک ٹو ل پلازہ پر 15کے قریب مسلح افراد جو کہ کلاشنکوفوں اور راکٹ لانچروں سے لیس تھے۔

ٹول پلازہ کے بوتھوں میں موجود پرچی دینے والوں سے ایک لاکھ تیس ہزار روپے کی رقم چھین لی اسی طرح ٹول پلازہ میں داخل ہو کر چھت پر پہنچے اور ہم سے ٹول پلازہ کی رقم چھ لاکھ روپے بھی چھین لی اور موقع سے فرار ہوگئے۔

پولیس رپورٹ کے مطابق کالعدم تحریک طالبان پاکستان گنڈہ پور گروپ کے کمانڈر شیرین عرف شیرنی، عمران عرف نٹی، افتخار ولد زبیر سمیت 15 دہشت گردوں نے یہ کارروائی کی ہے۔