ڈیرہ اسماعیل خان: کلاچی میں سیکیورٹی فورسز کا آپریشن، کالعدم ٹی ٹی پی کے 3 دہشت گرد ہلاک

اسلام آباد (ش ح ط) صوبہ خیبر پختونخوا کے ضلع ڈیرہ اسماعیل خان کی تحصیل کلاچی میں سیکورٹی فورسز کے انٹیلی جنس بیسڈ آپریشن میں کالعدم تنظیم کےتین دہشت گرد مارے گئے۔

Three wanted militants reportedly killed in clashes with Pakistani security forces in DI Khan. #Pakistan https://t.co/bcrmrAnaKe

— FJ (@Natsecjeff) July 2, 2023

پاکستانی فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے ضلع ڈی آئی خان کے علاقے کلاچی کے محلہ رانا زئی میں انٹیلی جنس بیسڈ آپریشن کیا، آپریشن کے دوران شدید فائرنگ کے تبادلے میں تین دہشت گردوں مارے گئے۔

آئی ایس پی آر نے بتایا کہ مارے گئے دہشت گرد سیکیورٹی فورسز، پولیس اور بے گناہ شہریوں کے خلاف دہشت گردی کی مختلف کارروائیوں میں ملوث تھے، جبکہ یہ دہشت گرد 11 اپریل کو کولاچی میں پولیس چیک پوسٹ پر حملے میں بھی ملوث تھے، اس حملے میں 5 پولیس اہلکار ہلاک ہوئے تھے۔

آئی ایس پی آر کے مطابق ہلاک دہشت گردوں سے اسلحہ اور گولیاں بھی برآمد کرلی گئی ہیں۔ جبکہ علاقے میں ممکنہ دہشت گردوں کے خاتمے کے لئے کلئیرنس آپریشن بھی کیا گیا، سیکیورٹی فورسز دہشت گردی کی لعنت کے خاتمے کے لئے پرعزم ہیں۔

دوسری جانب ترجمان کالعدم تحریک طالبان پاکستان نے ڈیرہ اسماعیل خان میں 3 ساتھیوں کی ہلاکت کی تصدیق کردی۔

ترجمان محمد خراسانی نے دعویٰ کیا ہے کہ کلاچی میں سیکیورٹی فورسز نے مجاہدین کے ایک مرکز پر چھاپہ مارا۔ حملے میں ہمارے تین ساتھی درویش، اکرام اللہ اور سعود تقبلھم اللہ بھی ہلاک ہوگئے۔

ترجمان نے مزید دعویٰ کیا ہے کہ فورسز کے چھاپے کے دوران مجاہدین نے 5 اہلکاروں کو بھی ہلاک کردیا۔