ڈیرہ غازیخان: پولیس نے پاکستانی طالبان سے اسکول کا قبضہ واپس لے لیا

لاہور (نمائندہ ڈیلی اردو) پاکستان کے صوبہ پنجاب کے ضلع ڈیرہ غازی خان کی تحصیل تونسہ میں پنجاب پولیس نے دہشت گردوں سے سرکاری اسکول کا قبضہ واپس لے لیا ہے۔

پولیس کے مطابق اسکول کو کلیئر کر کے تدریسی عمل دوبارہ شروع کر دیا گیا ہے۔ گزشتہ ہفتے کالعدم تحریک طالبان پاکستان کے مسلح دہشت گردوں نے گورنمنٹ پرائمری اسکول کے گیٹ پر رقص کیا تھا اور قریبی راستے پر بارودی سرنگ بچھا دی تھی۔

بعد ازاں ڈسٹرکٹ پولیس کیپٹن (ر) طارق ولایت کی سربراہی میں سرحدی پٹی پر آپریشن کیا گیا۔ اس دوران بارودی سرنگوں کی صفائی کی گئی اور اسکول کا قبضہ واپس لے کر تدریسی عمل بحال کر دیا گیا۔

ڈی پی او نے اسکول کے بچوں میں تحائف تقسیم کیے اور انہیں یقین دہانی کرائی کہ پولیس علاقے کے تحفظ کے لیے پوری طرح پرعزم ہے۔

تونسہ جنوبی پنجاب کے ضلع ڈیرہ غازی خان میں واقع ہے اور یہ پنجاب و خیبر پختونخوا (خصوصاً ضلع ڈیرہ اسماعیل خان) کے سنگم پر واقع سرحدی علاقہ ہے۔ تونسہ کے مغرب میں کوہِ سلیمان کا پہاڑی سلسلہ واقع ہے جو خیبر پختونخوا کے قبائلی علاقوں سے جڑتا ہے۔