کابل اور قندوز میں طالبان کی جانب سے خاتون سمیت پانچ افراد کو کوڑے مارنے کی سزا

کابل (ڈیلی اردو ) افغان طالبان کی اعلیٰ عدالت نے کابل اور قندوز میں مجموعی طور پر پانچ افراد کو سزائیں سنائی ہیں جن میں ایک خاتون بھی شامل ہے۔ قندوز کے ضلع قلعه‌زال میں طالبان کی ابتدائی عدالت نے دو افراد کو غیر اخلاقی تعلقات کے الزام میں عوامی مقام پر کوڑے مارنے کے ساتھ تین سال قید کی سزا بھی دی ہے۔

اسی طرح، کابل میں تین افراد کو شراب اور منشیات کی فروخت کے جرم میں کوڑے مارنے کی سزا کے ساتھ ساتھ ایک سے دو سال تک قید کی سزا بھی سنائی گئی ہے۔

طالبان کے زیرِ اثر ان صحراوئی عدالتوں کی کارروائیوں میں حالیہ دنوں میں اضافہ ہوا ہے، جس پر ملک بھر کے علاوہ عالمی برادری کی جانب سے بھی مختلف قسم کے ردعمل سامنے آئے ہیں۔