کانگو میں اقوام متحدہ کی امن فوج کی فائرنگ سے دو افراد ہلاک، 15 زخمی، انتونیوگوتیرس کا اظہار برہمی

اقوام متحدہ (ڈیلی اردو/شِنہوا) اقوام متحدہ کے سیکرٹری جنرل انتونیو گوتیرس نے ڈیموکریٹک ریپبلک آف کانگو (ڈی آر سی) اور یوگنڈا کے درمیان ایک سرحدی قصبے میں اقوام متحدہ کے امن دستوں کی فائرنگ اور دو باشندوں کی ہلاکت کے بعد غم و غصے کا اظہار کیا ہے۔

UN peacekeepers opened fire at a border crossing in the Democratic Republic of Congo on Sunday, authorities said, killing two people and injuring 15 others amid escalating protests demanding that UN forces to leave the region. https://t.co/3RO17JD2uv

— The New York Times (@nytimes) August 1, 2022

شمال مشرقی ڈی آر سی کے شمالی کیوو صوبے کے کاسنڈی میں، ڈی آر سی میں اقوام متحدہ کی تنظیم استحکام مشن (ایم او این یو ایس سی او) کے فوجی اہلکاروں نے اتوار کو رہائشیوں پر فائرنگ کی۔

کانگو کی حکومت نے فائرنگ کی شدید مذمت کرتے ہوئے بتایا کہ دو اموات کے علاوہ، مہلک واقعے میں 15 دیگر افراد زخمی ہوئے ہیں۔

گوتیریس کے نائب ترجمان فرحان حق نے ایک بیان میں کہا، ’’سیکرٹری جنرل اس واقعے میں جانی نقصان اور شدید زخمی ہونے پر مایوس اور افسردہ ہیں۔‘‘

گوتیریس نے متاثرین کے خاندانوں، کانگو کے عوام اور کانگو کی حکومت سے اپنی گہری تعزیت اور زخمیوں کی جلد صحت یابی کی خواہش کا اظہار کیا۔

سیکرٹری جنرل نے ان واقعات کیلئے احتساب کی ضرورت پر زور دیا۔