کراچی: کالعدم ٹی ٹی پی کے 3 دہشت گردوں کو 24،24 سال قید کی سزا

کراچی (نمائندہ ڈیلی اردو) پاکستان کے صوبہ سندھ کے صوبائی دارالحکومت کراچی کی انسدادِ دہشت گردی کی عدالت نے دھماکا خیز مواد رکھنے کے مقدمے کی سماعت کرتے ہوئے کالعدم تحریک طالبان پاکستان (ٹی ٹی پی) کے 3 دہشت گردوں کے خلاف مقدمے کا فیصلہ سنا دیا۔

عدالت نے جرم ثابت ہونے پر مجرموں کو 2، 2 مرتبہ عمر قید کی سزا سنا دی جبکہ مجرموں پر 2، 2 لاکھ روپے کا جرمانہ بھی عائد کر دیا۔

دورانِ سماعت پراسیکیویشن نے عدالت کو بتایا کہ تینوں دہشت گردوں کو خفیہ اطلاع پر قائد آباد روڈ سے گرفتار کیا گیا تھا، ملزمان کے قبضے سے دستی بم برآمد ہوئے تھے۔

پراسکیویشن نے بتایا کہ پولیس نے ملزمان کو گرفتار کر کے دہشت گردی کو ناکام بنایا، ملزمان کے خلاف سی ٹی ڈی تھانے میں مقدمہ درج کیا گیا تھا۔