کرم: زینبیون بریگیڈ نے پولیس افسر قیصر حسین کی ہلاکت کی ذمہ داری قبول کرلی

پشاور (ڈیلی اردو رپورٹ) پاکستان کے شورش زدہ ضلع کرم میں ایرانی حمایت یافتہ کالعدم شیعہ شدت پسند تنظیم زینبیون بریگیڈ کے انتہائی مطلوب کمانڈر عابد حسین عرف تہران طوری نے سوشل میڈیا پر ویڈیو جاری کرتے ہوئے کھلے عام اعتراف کیا ہے کہ پولیس افسر کو اس نے خود نشانہ بنایا اور اس ہلاکت کی ذمہ داری قبول کی ہے۔

یہ واقعہ 14 اگست 2025 کو کرم کے صدر مقام پاراچنار کے نواحی گاؤں نستی کوٹ میں پیش آیا، جہاں کمانڈر تہران طوری اور اس کے مسلح ساتھیوں کے حملے میں پولیس افسر قیصر حسین طوری ہلاک ہوگئے۔

سیکیورٹی ذرائع کے مطابق، فورسز اور پولیس نے کمانڈر تہران طوری کو گرفتار کرنے کی کوشش کی، تاہم اس نے 20 سے زائد مسلح دہشت گردوں کے ہمراہ بھاری ہتھیاروں سے فورسز پر فائرنگ کردی، جس کے نتیجے میں پولیس افسر قیصر حسین طوری موقع پر ہی ہلاک  ہوگئے۔