کرم: سیکورٹی فورسز پر حملے میں ملوث ٹی ٹی پی کمانڈر سمیت تین دہشت گرد ہلاک

اسلام آباد (ش ح ط) صوبہ خیبر پختونخوا کے قبائلی ضلع کرم میں سکیورٹی فورسز کے ساتھ جھڑپ میں کالعدم تحریک طالبان پاکستان کے مقامی کمانڈر سمیت تین دہشت گرد مارے گئے۔

ذرائع کے مطابق ٹی ٹی پی کاظم گروپ کا کمانڈر عمرہلاک ہو گیا جو گزشتہ روز کرم کے علاقے سنگڑوبہ میں سیکورٹی فورسز کی فائرنگ سے زخمی ہوا تھا اور زخموں کی تاب نہ لاتے ہوئے ہلاک ہو گیا۔

ہلاک دہشت گرد ٹل اسکاؤٹس کے کیپٹن مصطفی سمیت 6 ایف سی اہلکاروں پر حملے میں ملوث تھا۔

دوسری جانب سیکیورٹی اداروں کا کہنا ہے کہ وسطی کرم میں دہشت گردوں کے خلاف کارروائی کی گئی ہے جس میں دو روز قبل ہونے والے بم دھماکے میں ملوث کمانڈر سمیت تین دہشت گرد مارے گئے ہیں۔ دھماکے میں قربانی کے جانور خریدنے کے جانے والے ایک ہی خاندان کے پانچ افراد ہلاک ہوگئے تھے۔