کرم میں ایف سی چیک پوسٹ پر دہشت گردوں کا حملہ، کیپٹن سمیت 6 اہلکار زخمی

پشاور (نمائندہ ڈیلی اردو/وی او اے) صوبہ خیبر پختونخوا کے قبائلی ضلع کرم میں پاک افغان سرحد کے قریب چیک پوسٹ پر حملے میں ٹل اسکاؤٹس ایک کیپٹن سمیت چھ اہلکار زخمی ہوگئے۔

تفصیلات کے مطابق وسطی کرم کے علاقے سنگڑوبہ میں
فرنٹیر کور (ایف سی) کی ایک چوکی پر نامعلوم دہشت گردوں نے خودکار ہتھیاروں سے حملہ کیا ہے۔

اطلاعات کے مطابق اس حملے میں کیپٹن مصطفی سمیت چھ ایف سی اہلکار زخمی ہوئے ہیں۔زخمیوں کو فوری طور پر سی ایم ایچ ہسپتال منتقل کردیاگیا.

ضلع کرم میں یہ دھماکہ اور ایف سی پر حملہ ایسا وقت میں ہوا ہے جب علاقے میں گزشتہ کچھ دن سے اچانک دہشت گردی کے واقعات میں اضافہ ہوا ہے۔

ایک دن قبل ضلع کرم میں ایک عوامی احتجاجی مارچ بھی منقعد کیا گیا تھا۔

لگ بھگ چالیس کلومیٹر ہونے والا مارچ ضلع میں بدامنی کے خلاف احتجاج تھا جس میں حکومت سے علاقے میں امن و امان کے قیام اور مبینہ عسکریت پسندوں کے خلاف کارروائی کا مطالبہ کیا گیا تھا۔

اس امن مارچ میں ضلع کرم کے تمام مکاتب فکر کے افراد نے شرکت کی تھی۔