کوہاٹ میں نامعلوم افراد کی فائرنگ سے شیعہ وکیل ہلاک

کوہاٹ (نمائندہ ڈیلی اردو) صوبہ خیبر پختونخوا کے ضلع کوہاٹ میں نامعلوم افراد کی فائرنگ سے اورکزئی بار ایسوسی ایشن کے صدر ہلاک ہوگئے۔

https://twitter.com/ShabbirTuri/status/1563623987229249536?t=ir0Nj8hH0ZadpH4z1ti_Fg&s=19

تفصیلات کے مطابق کوہاٹ کے علاقے خادیزئی میں نامعلوم موٹر سائیکل سواروں کی فائرنگ سے اورکزئی بار ایسوسی ایشن کے صدر جابر حسین ایڈووکیٹ ہلاک ہوگئے۔

ہفتے کو ہنگو روڈ رحمان سنٹر میں موٹر سائیکل پر سوار دو افراد ان پر فائرنگ کر کے فرار ہو گئے۔

پولیس کا کہنا تھا کہ واقعے کی اطلاع ملتے ہی پولیس کی بھاری نفری جائے وقوعہ پہنچ گئی اور آس پاس کے علاقوں میں بڑے پیمانے پر سرچ آپریشن کا آغاز کر دیا گيا ہے۔

پولیس کے مطابق وکیل کا تعلق شیعہ مسلک سے تھا۔

ذرائع کے مطابق 2 سال قبل انکے بھائی کو بھی نامعلوم حملہ آوروں نے ہلاک کردیا تھا۔