ہنگو میں آپریشن: دو دہشتگرد ہلاک، ایک پولیس اہلکار ہلاک

ہنگو (نمائندہ ڈیلی اردو) پاکستان کے شورش زدہ صوبے خیبر پختونخوا کے ضلع ہنگو میں دہشتگردوں کے خلاف آپریشن کے دوران ایک پولیس اہلکار ہلاک جبکہ ایک زخمی ہو گیا، جبکہ جوابی کارروائی میں دو دہشتگرد ہلاک اور متعدد زخمی ہوئے۔

پولیس ذرائع کے مطابق سٹی پولیس نے ہنگو کے مختلف علاقوں میں دہشتگردوں کے خلاف آپریشن کیا۔ 

شدید فائرنگ کے تبادلے کے دوران دہشتگردوں کی فائرنگ سے پولیس اہلکار مسعود ہلاک جبکہ ایک اور اہلکار زخمی ہو گیا۔

آر پی او کوہاٹ عرفان طارق کے مطابق بگٹو ٹاپ سرکی اور چمبہ گل کے علاقوں میں پولیس نے بڑے پیمانے پر آپریشن کیا، جس کے دوران دو دہشتگرد ہلاک اور متعدد زخمی ہوئے۔

انہوں نے بتایا کہ کئی گھنٹوں سے پولیس کا دہشتگردوں کے خلاف کلیئرنس آپریشن جاری ہے۔