آرمی چیف جنرل قمر جاوید باجوہ سے اومان کی مسلح افواج کے چیف آف سٹاف کی ملاقات، دفاعی تعاون پر تبادلہ خیال

راولپنڈی (ڈیلی اردو) پاک فوج کے سربراہ چیف جنرل قمر جاوید باجوہ سے اومان کی مسلح افواج کے چیف آف سٹاف نے ملاقات کی جس میں باہمی دلچسپی کے امور اور دفاعی تعاون پر تبادلہ خیال کیا گیا۔

پاک فوج کے شعبہ تعلقات عامہ(آئی ایس پی آر) کے مطابق اومان کے چیف آف سٹاف لیفٹیننٹ جنرل احمد کو جی ایچ کیو آمد پر گارڈآف آنر پیش کیا گیا، معزز مہمان نے پاک فوج کے سربراہ جنرل قمر جاوید باجوہ سے ملاقات کی جس میں باہمی دلچسپی کے امور اور دفاعی تعاون پر تبادلہ خیال کیا گیا۔

لیفٹیننٹ جنرل احمد نے پاک فوج کی دہشت گردی کے خلاف کامیابیوں کو سراہا اور پاکستانی فوج کی پیشہ وارانہ صلاحیتوں سے استفادہ حاصل کرنے سے متعلق بھی بات چیت کی۔

لیفٹیننٹ جنرل احمد نے یادگار شہداء پر بھی حاضری دی اور پھولوں کی چادر چڑھائی، فاتحہ خوانی کے بعد شہداء کو خراج عقیدت بھی پیش کیا۔