اسلام آباد: حضرت امام حسینؑ کے چہلم کے موقع پر سیکورٹی پلان تیار

اسلام آباد (نمائندہ ڈیلی اردو) وفاقی دارالحکومت اسلام آباد میں صبح چہلم حضرت امام حسین علیہ السلام کے سلسلہ میں جلوس کی سکیورٹی کیلئے انتظامات اور سکیورٹی پلان ترتیب دیا گیا ہے۔

نواسہ رسول، جگر گوشہ بتول اور شہدائے کربلا کے چہلم کے حوالے سے وفاقی دارالحکومت میں ماتمی جلوس صبح (اتوار 20 اکتوبر 2019) جی سکس ٹو امام بارگاہ اثنا عشری سے برآمد ہوگا جو اپنے روایتی راستوں سے ہوتا ہوا رات گئے امام بارگا ہ اثنا عشری پر ہی اختتام پذیر ہوگا۔

#IslamabadPolice #islamabadsecurity #Polizens pic.twitter.com/lLuCYZC3gk

— Islamabad Police (@ICT_Police) October 19, 2019

چہلم کے جلوس میں شریک عزاداران کو فول پروف سیکیورٹی فراہم کرنے کیلئے اسلام انتظامیہ نے سیکیورٹی پلان تشکیل دے دیا ہے جس کے مطابق جلوس کے راستوں میں اسلام آباد پولیس، رینجرز اور قانون نافذ کرنے والے اداروں کے 1500 سے زائد اہلکار تعینات کئے جائیں گے، سراغ رساں کتوں اور بم ڈسپوزل اسکوڈ کے ذریعے جلوس کے روٹس کو چیک کیا جائے گا۔

سیکیورٹی پلان کے مطابق جلوس کی جانب جانے والی تمام شاہراوں کو کنٹینرز اور خار دار تاروں سے بند کیا جائے گا جبکہ انٹری پوائنٹس پر واک تھرو گیس نصب کئے جائیں گے، انتظامیہ کے علاوہ رضا کار بھی ڈیوٹی کے فرائض انجام دیں گے، جلوس کے راستوں کی فضائی نگرانی بھی کی جائے گی ، اہم عمارت پر ماہر نشانہ باز بھی موجود رہیں گے۔