افغانستان: بلوچ لبریشن آرمی کا سینئر کمانڈر عبدالنبی بنگلزئی قندہار میں ہلاک

کابل (بیورو رپورٹ) افغان پولیس کے مطابق پاکستان کے صوبہ بلوچستان سے تعلق رکھنے والے بلوچ لبریشن آرمی کے سینئر کمانڈر عبدالنبی بنگلزئی عرف چھوٹا میر کو افغان صوبے قندہار کے علاقے پی ڈی تھری کے قریب نامعلوم مسلح افراد نے فائرنگ کرکے ہلاک کردیا۔

‏افغان نیوز چینلز شمشاد کے مطابق عبدالنبی بنگلزئی بلوچ علیحدگی پسند تنظیم بی ایل اے کے اہم کمانڈر تھے۔

Gunmen shot dead a Baloch separatist leader, Mir Abdul Nabi Bangulzai, in Kandahar's PD 3, this afternoon, sources said. No one claimed responsibility for the attack so far. #ShamshadNews #Afghanistan #Kandahar

— ShamshadNews (@Shamshadnetwork) May 27, 2021

عبدالنبی بنگلزئی کی ہلاکت کے حوالے سے بی ایل اے کی جانب سے ابھی تک کوئی تصدیق یا تردید نہیں کی گئی ہے۔

واضح رہے کہ دسمبر 2018 میں فدائین بریگیڈ کے بانی اور بلوچ لبریشن آرمی کے اہم ترین کمانڈر اسلم اچھو بھی قندھار میں ایک خودکش حملے میں ساتھیوں سمیت ہلاک ہوگئے تھے۔

خودکش حملے میں اسلم اچھو کے ساتھ بی ایل اے کے دو دیگر کمانڈر تاجو مری اور رحیم مری کے علاوہ اسلم کے چار محافظین بھی ہلاک ہوئے۔

اسلم اچھو کو پاکستانی حکام نے کراچی میں چینی قونصل خانے پر حملے اور دالبندین میں چینی باشندوں کی بس پر خودکش حملے کا ماسٹر مائنڈ قرار دیا تھا۔