افغانستان: جھڑپوں میں 36 افراد ہلاک، 7 طالبان دہشت گرد گرفتار

کابل (ڈیلی اردو) افغانستان میں گزشتہ 24 گھنٹوں کے دوران دہشت گردوں کی سرگرمیوں اور جھڑپوں میں کم از کم 36 افراد مارے گئے ہیں۔

جنگ کی نگرانی کرنیوالے ایک آزاد مقامی گروہ “تشدد میں کمی” (آر آئی وی) نے ہفتے کے دن کے آغاز پر سوشل میڈیا پر کہا کہ گزشتہ 24 گھنٹوں کے دوران ہماری ٹیم نے 36 اموات کا اندراج کیا ہے جن میں افغان قومی دفاع و سلامتی فورسز (اے این ڈی ایس ایف) کا ایک اہلکار اور 35 طالبان دہشت گرد شامل ہیں۔

گروہ نے کہا کہ اس عرصے کے دوران 31 طالبان دہشت گرد اور سیکیورٹی فورسز کے 4 اہلکار زخمی بھی ہوئے ہیں۔

آر آئی وی کے اعداد ۔ و شمار کے مطابق یہ ہلاکتیں ملک کے 34 میں سے 4 صوبوں میں رونما ہونیوالے پرتشدد واقعات کے دوران ہوئی ہیں۔

ایک غیر متعلقہ واقعہ میں جمعہ کے روز مشرقی صوبہ پکتیا کے ضلع جاجی اریوب میں ایک کلین اپ آپریشن کے دوران اے این ڈی ایس ایف نے 7 طالبان دہشت گردوں کو گرفتار کیا ہے۔ جس کی تصدیق دن کے اوائل میں افغان وزارت دفاع نے اپنے ایک بیان میں کی۔

بیان میں مزید کہا گیا ہے کہ پہاڑی علاقے میں واقع ضلع کے وسیع علاقوں کو طالبان سے پاک کردیا گیا ہے۔