افغانستان میں معروف اینکر سموسے بیچنے پر مجبور ہوگیا

کابل (ڈیلی اردو) افغانستان میں معاشی صورتحال سے متاثر نامور اینکرپرسن گزر بسر کے لیے فٹ پاتھ پر بیٹھ کے سموسے بیچنے پر مجبور ہوگیا۔

سوشل میڈیا پر موسیٰ محمدی نامی نیوز اینکر کی تصاویر وائرل ہوئیں جس میں وہ سڑک کنارے سموسے فروخت کرتے دکھائی دے رہے ہیں۔

موسیٰ محمد ٹیلی ویژن پر نیوز اینکر کے ساتھ ساتھ کئی سال تک رپورٹنگ بھی کرتے رہے ہیں تاہم موجود معاشی بحران میں ان کی نوکری ختم ہو گئی۔

شعبہ صحافت سے نکلنے کے بعد ان کے پاس کوئی ذریعہ معاش نہیں تھا اور زندگی کی گاڑی چلانے کے لیے انہوں نے سموسے فروخت کرنا شروع کر دیے جس سے وہ اہل خانہ کا پیٹ پال رہے ہیں۔

یہ مناظر دیکھ کر نیشنل ریڈیو اینڈ ٹیلی ویژن کے ڈائریکٹر جنرل احمد اللہ واثق نے پیشہ وارانہ صحافی کو نوکری دینے کا اعلان کیا ہے۔