افغانستان کے ساتھ جنگ بندی برقرار ہے، پاکستان

اسلام آباد (ڈیلی اردو ) پاکستانی وزارت خارجہ نے کہا ہے کہ کابل کی جانب سے ’’یقین دہانیاں‘‘ موصول ہونے کے بعد افغانستان کے ساتھ جنگ بندی برقرار ہے۔ 

وزارت خاجہ کے ترجمان طاہر اندرابی نے آج بروز جمعہ اسلام آباد میں پریس بریفنگ کے دوران صحافیوں کو بتایا، ’’جنگ بندی برقرار ہے۔ ہم افغان جانب سے اس معاملے پر کرائی گئی یقین دہانیوں کا نوٹس لے چکے ہیں، تاہم کسی بھی اشتعال انگیزی کا مناسب جواب دیا جائے گا۔‘‘

یہ بیان اس پیش رفت کے ایک روز بعد سامنے آیا ہے، جس میں ترکی نے اعلان کیا تھا کہ پاکستان اور افغانستان کے نمائندوں کے درمیان امن مذاکرات کے لیے اگلی نشست آئندہ ہفتے استنبول میں ہو گی۔

ترجمان  کا مزید کہنا تھا، ’’پاکستان افغانستان میں بھی امن کا خواہاں ہے۔ توقع ہے کہ افغانستان اپنی سرزمین پاکستان کے خلاف استعمال نہیں ہونے دے گا۔پاکستان مصالحتی عمل میں اپنا کردار جاری رکھے گا اور چھ نومبر کے لیے طے دوطرفہ مذاکرات سے مثبت نتائج کی امید رکھتا ہے۔‘‘