ایران پر 72 گھنٹوں میں بڑے حملے کا خطرہ، ٹرمپ نے خطرے کی گھنٹی بجا دی

واشنگٹن (ڈیلی اردو رپورٹ) امریکی صدر ڈونلڈ ٹرمپ نے کہا ہے کہ ایران کے پاس کسی معاہدے تک پہنچنے کے لیے “محدود وقت” باقی ہے کیونکہ امریکہ اسے جوہری ہتھیار حاصل کرنے کی اجازت نہیں دے سکتا۔

واشنگٹن میں صحافیوں سے گفتگو کرتے ہوئے ٹرمپ نے خبردار کیا کہ معاہدہ نہ ہونے کی صورت میں امریکہ ایران کے خلاف کارروائی کر سکتا ہے۔ ان کے مطابق ایران کے پاس “دو سے تین دن” یا زیادہ سے زیادہ اگلے ہفتے کے آغاز تک کا وقت ہے۔

انہوں نے کہا کہ حالیہ دنوں میں حملے کا فیصلہ کیا گیا تھا تاہم سعودی عرب، متحدہ عرب امارات اور قطر کے رہنماؤں کی درخواست پر اسے مؤخر کیا گیا۔

ادھر امریکی نائب صدر جے ڈی وینس نے وائٹ ہاؤس میں گفتگو کرتے ہوئے کہا کہ ایران کے ساتھ بات چیت میں پیش رفت ہو رہی ہے اور تہران ممکنہ طور پر معاہدہ چاہتا ہے۔

انہوں نے کہا کہ امریکہ کا بنیادی مؤقف یہ ہے کہ ایران کسی صورت جوہری ہتھیار حاصل نہ کر سکے، اور واشنگٹن چاہتا ہے کہ ایسا نظام بنایا جائے جس سے ایران مستقبل میں دوبارہ جوہری صلاحیت حاصل نہ کر سکے۔