کرم : سیکیورٹی فورسز کے ساتھ جھڑپ، زینبیون بریگیڈ کا ایک دہشت گرد ہلاک، چار زخمی

پشاور (ڈیلی اردو) پاکستان کے شورش زدہ صوبہ خیبر پختونخوا کے قبائلی ضلع کرم کے نواحی گاؤں مینگک میں سیکیورٹی فورسز کے ساتھ فائرنگ کے تبادلے میں ایک دہشت گرد ہلاک اور چار دیگر زخمی ہوگئے، جبکہ جھڑپ کے دوران پاک فوج کا ایک جوان بھی زخمی ہوا۔

سرکاری ذرائع کے مطابق، زخمی فوجی جوان کی شناخت نائیک کاشف کے نام سے ہوئی ہے۔

ذرائع نے بتایا کہ ہلاک دہشت گرد کی شناخت جاوید حسین کے نام سے ہوئی ہے، جس کا تعلق کالعدم زینبیون بریگیڈ سے بتایا جاتا ہے۔

ذرائع کے مطابق، جھڑپ کے دوران چار دیگر دہشت گرد بھی زخمی ہوئے، تاہم ان کی شناخت اور موجودہ حالت کے بارے میں مزید تفصیلات سامنے نہیں آئیں۔

واقعے سے متعلق مزید تفصیلات اور سیکیورٹی فورسز کی کارروائی کی نوعیت کے بارے میں حکام کی جانب سے تاحال کوئی باضابطہ بیان جاری نہیں کیا گیا۔