بلوچستان: بارکھان میں سی ٹی ڈی کا آپریشن، 6 عسکریت پسند ہلاک

کوئٹہ (نمائندہ ڈیلی اردو) پاکستان کے شورش زدہ صوبے بلوچستان میں کاؤنٹر ٹیررازم ڈیپارٹمنٹ (سی ٹی ڈی) نے مختلف آپریشنز کے دوران مجموعی طور پر 14 عسکریت پسند ہلاک کر دیے ہیں۔

سی ٹی ڈی کے مطابق ضلع بارکھان میں انٹیلی جنس بیسڈ کارروائی کے دوران فائرنگ کے تبادلے میں 6 عسکریت پسند ہلاک ہوئے۔ 

ترجمان نے بتایا کہ یہ ہلاک شدہ عناصر تخریبی کارروائیوں میں ملوث تھے اور ان کے قبضے سے اسلحہ اور بارودی مواد برآمد ہوا۔

سی ٹی ڈی کے مطابق ہلاک عسکریت پسندوں کا تعلق کالعدم تنظیم بلوچ لبریشن آرمی سے تھا۔ 

اس سے قبل کوئٹہ میں بھی سی ٹی ڈی کے آپریشن میں 8 عسکریت پسند مارے گئے تھے، جن کا تعلق بھی اسی تنظیم سے تھا۔