بلوچستان: سبی کے علاقے لہڑی میں دھماکا، 3 بچے شدید زخمی

سبی (نمائندہ ڈیلی اردو) بلوچستان کے ضلع سبی کے علاقے لہڑی میں ہینڈ گرنیڈ پھٹنے سے تین بچے شدید زخمی ہوگئے۔

تفصیلات کے مطابق سبی کے مغربی بچاٶ بند کے نزدیک رہائشی خدا بخش جت اور واگا جت کے تین بچے گھر کے باہر کھیل رہے تھے کہ اس دوران دھماکا ہو گیا۔ جس سے تینوں بچے شدید زخمی ہوگئے۔ اطلاع ملتے ہی ایف سی 131 ونگ کے میجر اور صوبیدار عصمت اللہ لہڑی ہسپتال پہنچ گئے۔ اسکے بعد جاۓ وقوع پر پہنچ کر تفتیش کی۔

#SIBI three children sustained injuries after a toy bomb ???? exploded in Western safety band area of #Tehsil-Lehri district Sibi #Balochistan pic.twitter.com/L60k0CML0m

— ???????? (@Info_Balochistn) January 20, 2020

ذرائع کا کہنا ہے کہ ایف سی کی تفتیش اور سرچ آپریشن کے بعد گرنیڈ کا ٹکڑا ملا جسمیں بارود شامل تھا۔ جس سے بچے کھیلتے ہوۓ زخمی ہو گئے تھے۔ بعد ازاں فورسز نے ایریا کو کلیٸر قرار دیا۔ فورسز نے مزید علاج معالجے کیلئے زخمی بچوں کو آرمی ایمبولنس سے سول ہسپتال سبی روانہ کردیا۔