بھارتی ریاست چھتیس گڑھ میں ماؤ باغیوں کا حملہ، 22 بھارتی فوجی ہلاک، 32 زخمی

چھتیس گڑھ (ڈیلی اردو) بھارت میں چھتیس گڑھ کے ضلع بیجاپور میں ماؤ نواز (نکسل) باغیوں کے حملے میں 22 سیکورٹی اہلکار ہلاک اور 32 زخمی ہو گئے

22 security personnel have lost their lives in the Naxal attack at Sukma-Bijapur in Chhattisgarh, says SP Bijapur, Kamalochan Kashyap

Visuals from the Sukma-Bijapur Naxal attack site pic.twitter.com/C3VvAdvjaN

— ANI (@ANI) April 4, 2021

بھارتی میڈیا کے مطابق ریاست چھتیس گڑھ میں ماؤ نواز (نکسل) باغیوں کے حملے میں 22 فوجی اہلکار ہلاک اور 32 زخمی ہوگئے جب کہ ایک اہلکار اب بھی لاپتہ ہے، حملے کے بعد سیکیورٹی فورسز کے مزید دستے جوناگوڑا گاؤں میں پہنچ گئے جب کہ زخمیوں کو ہسپتال منتقل کردیا گیا ہے۔

https://twitter.com/ShabbirTuri/status/1378649808840261636?s=19

بھارتی حکام کا کہنا ہے کہ آپریشن باغیوں کے سرگرم رکن مادوی ہڈما کی موجودگی کی خفیہ اطلاع پر شروع کیا گیا تاہم گزشتہ روز باغیوں اور پولیس کے درمیان فائرنگ کا سلسلہ شروع ہوا جو 4 گھنٹے تک جاری رہا۔ آپریشن کے دوران تقریباً 2000 کے قریب اہلکاروں نے حصہ لیا تاہم جیسے ہی اہلکاروں نے سلگر جنگل میں گھسنے کی کوشش کی اسی دوران باغیوں نے حملہ کردیا۔

جھڑپوں کے دوران تین نکسل باغی بھی ہلاک ہوئے۔ ہلاکتوں میں اضافے کا خدشہ ہے۔

بھارتی میڈیا کے مطابق آپریشن میں ماؤ باغیوں کو بھی شدید جانی نقصان کا سامنا کرنا پڑا تاہم حملے کی جگہ سے ایک حملہ آور خاتون کی لاش برآمد ہوئی ہے۔

Chhattisgarh Naxal encounter: 22 security personnel killed, Union Home Minister Amit Shah says ‘Naxals enemies of peace’ pic.twitter.com/oHa8i5Worc

— NDTV (@ndtv) April 4, 2021

دوسری جانب حملے میں بڑے پیمانے پر بھارتی فوجیوں کے جانی نقصان پر بھارتی صدر اور وزیراعظم نریندر مودی نے افسوس کا اظہار کرتے ہوئے ہلاک اہلکاروں کے اہل خانہ سے تعزیت کی اور کہا کہ اہلکاروں کی قربانیاں رائیگاں نہیں جائیں گی۔