بھارت: آسام میں اسامہ بن لادن نامی ہاتھی کا حملہ، پانچ افراد ہلاک

نئی دہلی (ویب ڈیسک) اسامہ نامی ہاتھی کا حملہ، پانچ افراد مارے گئے۔ بھارت میں اسامہ بن لادن نامی ہاتھی نے ایک گاوں پر حملہ کرکے پانچ افراد کو مار ڈالا،

فرانسیسی خبر رساں ادارے اے ایف پی کے مطابق ایک مقامی شخص کے مطابق اس بھپرے ہوئے ہاتھی نے ریاست آسام کے دیہات بولتار میں حملہ کیا تھا۔

اس شخص نے مزید بتایا ہے کہ ماضی میں بھی اسہی ہاتھی نے کئی لوگوں کو مارا ہے اور یہی ہاتھی چاولوں کے کھیتوں کو بھی برباد کرچکا ہے۔

واقعے کے بعد حکام حرکت میں آگئے ہیں اور ہاتھی کو پکڑنے کیلئے آپریشن محکمہ جنگلات کی جانب سے شروع کردیا گیا ہے۔ تاہم ابھی تک یہ فیصلہ نہیں کیا گیا اس ہاتھی کے ساتھ کیا کرنا ہے۔

حکام اس اسامہ نامی ہاتھی کی تلاش کیلئے ڈرونز کے علاوہ پالتو ہاتھیوں کو بھی استعمال کررہے ہیں۔

محمکہ جنگلات کے حکام کی جانب سے علاقے میں ہاتھی کو پکڑنے کے لیے بڑے پیمانے پر تلاش جاری ہے۔

تاہم حکام کے مطابق اسامہ بن لادن نامی ہاتھی کی تلاش کے دوران لوگوں کی حفاظت کیلئے اقدامات کو بھی مدنظر رکھا جارہا ہے۔

محکمہ جنگلات کے حکام نے اسامہ نامی ہاتھی کو دیکھنے کا دعوٰی بھی کیا ہے اور کہا ہے کہ اس نے ایک جھنڈ میں پناہ لی ہوئی تھی لیکن پھر جنگل میں مزید اندر فرار ہوگیا۔ خدشہ ہے کہ یہ ہاتھیوں کے ریوڑ میں پناہ لیے ہوئے ہے۔