توہین صحابہؓ: شیعہ مذہبی اسکالر علامہ طالب جوہری کے بیٹے امجد جوہری کیخلاف مقدمہ درج

کراچی (بیورو رپورٹ) صوبہ سندھ کے صوبائی دارالحکومت کراچی میں پولیس نے توہین صحابہؓ کے الزام میں معروف شیعہ مذہبی اسکالر علامہ طالب جوہری کے بیٹے امجد رضا جوہری کے خلاف مقدمہ درج کرلیا۔

پولیس کے مطابق کراچی میں آصف قادری نامی شخص کی درخواست پر تھانہ گلبرک میں شیعہ عالم امجد رضا جوہری کے خلاف مقدمہ درج کرلیا گیا ہے۔

مقدمہ الزام نمبر 241/21 زیر دفعہ 298 اے کے تحت درج کیا گیا ہے۔ تعزیرات پاکستان کے تحت دفعہ 298 اے گستاخی و توہین صحابہؓ کے الزام پر عائد کی جاتی ہے۔

پولیس حکام کا کہنا ہے کہ تحریری درخواست اور ثبوت موصول ہونے کے بعد مقدمہ درج کیا گیا ہے، واقعہ یکم مئی کو گلبرگ میں پیش آیا تھا۔