جلیلہ حیدر اور کامران مائیکل کا نام ای سی ایل میں ڈالنے کی سفارش

اسلام آباد (ویب ڈیسک) کابینہ کمیٹی نے کامران مائیکل اور جلیلہ حیدر کا نام ای سی ایل میں ڈالنے کی سفارش کی ہے۔

ذرائع کے مطابق ایگزٹ کنٹرول لسٹ (ای سی ایل) میں نام ڈالنے اور نکالنے سے متعلق کابینہ کمیٹی نے سفارشات مرتب کر لیں۔ کابینہ کمیٹی نے تفصیلی جائزہ لینے کے بعد یہ سفارشات مرتب کیں،کابینہ کمیٹی کی سفارشات کابینہ کو بھیج دی گئیں۔

ذرائع نے بتایا کہ کمیٹی نے سابق وفاقی وزیر کامران مائیکل کا نام ای سی ایل میں ڈالنے کی سفارش کر دی ہے۔ کمیٹی نے پشتون تحفظ موومنٹ کی جلیلہ حیدر کا نام ای سی ایل میں ڈالنے کی سفارش کر دی ہے۔

ذرائع کے مطابق جلیلہ حیدر پشنون تحفظ موومنٹ کی سرگرم کارکن ہیں، کمیٹی کی سابق چیئرمین نادرا طارق ملک کا نام بھی ای سی ایل سے نکالنے کی سفارش کی گئی ہے۔

‍ذرائع کے مطابق کمیٹی نے صوبائی وزیر توانائی امتیاز احمد شیخ، سابق سیکرٹری انڈسٹریز ضمیر احمد، سابق ایم ڈی او جی ڈی سی ایل ظاہر میر، عابد حسین اور سہیل انور کا نام ای سی ایل میں ڈالنے سے روک دیا ہے اور نیب سے مزید شواہد طلب کرلیے ہیں۔

ذرائع نے بتایا کہ کمیٹی کی تمام سفارشات پر عملدرآمد کابینہ کی منظوری سے مشروط ہوگا