بھارت کا تین فوجی اڈوں پر پاکستانی حملے کا دعویٰ

نئی دہلی (ڈیلی اردو رپورٹ) بھارتی فوج نے الزام عائد کیا ہے کہ پاکستان نے میزائل اور ڈرون حملوں کے ذریعے انڈیا کے تین فوجی اڈوں کو نشانہ بنایا ہے، جن میں جموں، ادھم پور (انڈیا کے زیر انتظام کشمیر) اور پٹھان کوٹ (انڈین پنجاب) شامل ہیں۔

ایکس (سابقہ ٹوئٹر) پر جاری بیان میں بھارتی فوج کا کہنا ہے کہ ان حملوں میں کسی قسم کے جانی یا مالی نقصان کی اطلاع نہیں ملی، اور پاکستانی جانب سے داغے گئے میزائل و ڈرونز کو بروقت کارروائی کرتے ہوئے تباہ کر دیا گیا۔

دوسری جانب پاکستان نے ان الزامات کو مسترد کر دیا ہے۔ وزیر دفاع خواجہ آصف نے بی بی سی نیوز سے گفتگو کرتے ہوئے واضح کیا کہ پاکستان نے ایسا کوئی حملہ نہیں کیا۔ ان کا کہنا تھا: “میں اس کی تردید کرتا ہوں، ہم نے ایسا کوئی بھی حملہ نہیں کیا۔ جب ہم حملہ کریں گے تو سب کو پتا چل جائے گا، ہم حملہ کر کے اس کی تردید نہیں کریں گے۔”

یہ بیان اس وقت سامنے آیا ہے جب دونوں ملکوں کے درمیان کشیدگی میں اضافہ دیکھنے میں آ رہا ہے، اور عالمی برادری کی جانب سے بھی تحمل اور بات چیت پر زور دیا جا رہا ہے۔