حماس مخالف قبیلے کے سربراہ یاسر ابو شباب ہلاک

یروشلم (ڈیلی اردو) اسرائیلی فوجی ریڈیو نے سکیورٹی ذرائع کے حوالے سے جمعرات کو بتایا کہ غزہ کے حماس مخالف قبیلے کے معروف رہنما یاسر ابو شباب جنوبی اسرائیل کے ایک ہسپتال میں زخموں کی تاب نہ لاتے ہوئے ہلاک ہو گئے ہیں۔

 رپورٹ میں نہ تو زخموں کی نوعیت بتائی گئی اور نہ ہی ہلاکت کی تاریخ کا ذکر کیا گیا ہے۔ 

حماس نے اس بارے میں کوئی تبصرہ نہیں کیا، جبکہ دیگر اسرائیلی حکام نے بھی فوری طور پر کوئی بیان جاری نہیں کیا۔ 

ابو شباب کا بدوی گروپ رفح کے علاقے میں سرگرم ہے، جو فی الوقت اسرائیلی فوج کے کنٹرول میں ہے۔ قبل ازیں حماس نے ابو شباب پر اسرائیل سے تعاون کرنے اور بغاوت کا الزام عائد کرتے ہوئے سرنڈر کرنے کا حکم دیا تھا۔