خوست: طالبان جنگجوؤں اور مدرسے کے مولوی کے حامیوں میں جھڑپ، ایک ہلاک، تین زخمی

کابل(ڈیلی اردو) افغانستان کے صوبہ خوست میں طالبان جنگجوؤں اور ایک مقامی مدرسے کے مولوی کے حامیوں کے درمیان مسلح جھڑپ کے نتیجے میں ایک شخص ہلاک اور تین زخمی ہو گئے۔

مقامی ذرائع کے مطابق واقعہ منڈوزی کے علاقے میں خوست–کابل شاہراہ پر گزشتہ شب پیش آیا۔ اطلاعات کے مطابق جھڑپ میں طالبان کا ایک جنگجو ہلاک ہوا جبکہ تین افراد زخمی ہوئے، جن میں دو عام شہری بھی شامل ہیں۔

ذرائع کا کہنا ہے کہ تنازع اس وقت شروع ہوا جب مدرسہ خلیفه انور کے افراد نے طالبان جنگجوؤں کا راستہ روک دیا۔ بتایا جاتا ہے کہ مذکورہ ملا اکثر مدرسے سے باہر نکلتے وقت راستہ بند کر دیتا تھا، جس پر طالبان جنگجوؤں سے تکرار ہوئی اور نوبت فائرنگ تک پہنچ گئی۔

مقامی رہائشیوں کے مطابق علاقے کے لوگ خلیفہ انور کے مبینہ زور زبردستی اور اختیارات کے غلط استعمال سے سخت تنگ آ چکے ہیں۔