خیبرپختونخوا: سیکیورٹی فورسز اور پولیس کے تین اہلکاروں کا اغوا

واشنگٹن (ش ح ط) خیبرپختونخوا میں دہشت گردوں نے سیکیورٹی فورسز کے دو اہلکاروں کو اغوا کر لیا۔ جبکہ ایک اغوا ہونے والے پولیس اہلکار کی لاش ملی ہے۔

ٹانک: سیکیورٹی فورسز کے دو اہلکار اغوا

خیبر پختونخوا کے ضلع ٹانک کے علاقے گل امام تھانے کی حدود میں دہشت گردوں نے سیکیورٹی فورسز کے دو اہلکاروں، سلیمان اور سمیع الحق، کو اغوا کر لیا اور انہیں نامعلوم مقام پر منتقل کر دیا۔ پولیس ذرائع کے مطابق سیکیورٹی فورسز اور پولیس نے مغویوں کی بازیابی کے لیے سرچ آپریشن شروع کر دیا ہے۔

شمالی وزیرستان: پولیس کانسٹیبل کا اغوا اور ہلاکت

ادھر شمالی وزیرستان سے ایک پولیس اہلکار کی لاش ملی ہے۔ پولیس کے مطابق 22 اپریل کی رات، تحصیل شیوا کے گاؤں ٹنڈی میں پانچ سے چھ دہشت گردوں نے پولیس اہلکار سعید انور کو اغوا کر لیا تھا اور انہیں نامعلوم مقام پر منتقل کر دیا تھا۔ پولیس نے مغوی کی نعش آج گاؤں مولا خیل، شیوا سے برآمد کی۔

خیبر وادی تیراہ: لشکر اسلام کا حملہ

خیبر کی وادی تیراہ میں سیکیورٹی فورسز کے نظرہ پوسٹ پر لشکر اسلام نے فائرنگ کی۔ سیکیورٹی فورسز نے جوابی کارروائی کرتے ہوئے بھرپور جواب دیا، جس کے نتیجے میں آصف عرف نگیال ہلاک ہوگیا جبکہ دو دہشت گرد زخمی ہوگئے۔