خیبر: شاکس پولیس لائن میں دستی بم پھٹنے سے 2 اہلکار ہلاک، 2 افسران زخمی

جمرود (ہجرت علی آفریدی) صوبہ خیبر پختونخوا کے قبائلی ضلع خیبر کی تحصیل جمرود شاکس لیوی سنٹر میں پولیس اہلکار سے ہینڈ گرنیڈ غلطی سے بلاسٹ ہونے پر دو پولیس اہلکار ہلاک جبکہ دو افسران زخمی ہوگئے ہیں۔

ڈی پی او خیبر سلیم عباس کے مطابق جمرود شاہ کس لیوی سنٹر میں ڈی ایس پی ہیڈکواٹر نواز خان لیوی سنٹر مورچوں کی سیکیورٹی کا جائزہ لے رہے تھے کہ اس دوران ایک پولیس اہلکار سے ہینڈ گرنیڈ غلطی سے بلاسٹ ہوا۔واقع کے نتیجے میں دو پولیس اہلکار کانسٹیبل شاہ محمود،کانسٹیبل نور اسلام ہلاک ہوگئے ہیں جبکہ ڈی ایس پی ہیڈکواٹر نواز خان اور اے ایس آئی برکت زخمی ہوئے ہیں جنہیں طبعی امداد کے لئے پشاور حیات آباد میڈیکل کمپلیکس منتقل کیا گیا ہے۔

ڈی پی او خیبر سلیم عباس کلاچی کے مطابق واقع کی جانچ پڑتال جاری ہے۔ اور ہر پہلو سے واقعے کا جائزہ لیا جا رہا ہے.

پولیس اہلکاروں اسلام گل اور شاہ محمود کا نماز جنازہ شاکس پولیس لائن میں پورے سرکاری اعزاز کے ساتھ ادا کر دیا گیا۔