خیبر میں مارٹر گولہ گرنے سے 4 افراد ہلاک، 7 زخمی، لواحقین کا احتجاج

خیبر (نمائندہ ڈیلی اردو) پاکستان کے شورش زدہ صوبے خیبر پختونخوا کے قبائلی ضلع خیبر کے دور افتادہ پہاڑی علاقے ایندرہ اکاخیل میں مارٹر گولہ گرنے سے 4 افراد ہلاک جبکہ 7 زخمی ہو گئے۔ 

مقامی ذرائع کے مطابق واقعہ اُس وقت پیش آیا جب علاقہ مکین بازار سے افطار کا سامان لے کر ایک گاڑی میں اپنے گھروں کو واپس جا رہے تھے کہ اچانک مارٹر گولہ گاڑی پر آ گرا۔

واقعے کے بعد زخمیوں کو فوری طور پر قریبی ہسپتال منتقل کر دیا گیا، جبکہ علاقے میں خوف و ہراس پھیل گیا۔ 

انتظامیہ نے واقعے کی تحقیقات شروع کر دی ہیں اور واقعے کی نوعیت جاننے کے لیے شواہد اکٹھے کیے جا رہے ہیں۔

ادھر تیراہ میں مارٹر گولے کا نشانہ بننے والی گاڑی میں ہلاک افراد کے لواحقین نے لاشیں باڑہ چوک میں رکھ کر احتجاج شروع کر دیا ہے۔ 

مظاہرین نے واقعے کی شفاف تحقیقات اور ذمہ داروں کے تعین کا مطالبہ کیا ہے۔