روس کے یوکرین کے مغربی شہر پر میزائلوں سے حملے

کیف (ڈیلی اردو) روس نے یوکرین کے مغربی شہر لویو پر میزائل برسا دیے۔

غیر ملکی میڈیا رپورٹس میں بتایا گیا ہےکہ روس نے یوکرین کے شہر لویو میں طیاروں کی مرمت کرنے والے ایک پلانٹ پر کروز میزائل فائر کیے جس کی یوکرینی فوج کی جانب سے بھی تصدیق کی گئی ہے۔

Russia fired missiles at an airport near Lviv. Russian shelling is preventing evacuations from Ukraine's Luhansk region, according to the area’s governor. Here are 5⃣ stories you need to know today pic.twitter.com/Dld5a6PRrQ

— Reuters (@Reuters) March 18, 2022

لویو کے میئر کا کہنا ہےکہ روسی میزائل حملوں کے نتیجے میں پلانٹ کی عمارت مکمل طور پر تباہ ہوگئی۔ دوسری جانب ماریوپول سٹی کونسل کا کہنا ہے کہ روس کی مسلسل شیلنگ کے باوجود ریسکیو عملہ اپنی کارروائیوں میں مصروف ہے اور روسی حملوں سے تباہ ہونے والی تھیٹر کی عمارت کا ملبہ ہٹا یا جارہا ہے۔

یوکرینی حکام کا کہنا ہے کہ جمعرات کے روز 3 ہزار 810 شہریوں کا انخلا کیا گیا جن میںٰ ماریوپول شہر میں محصور 2 ہزار شہری بھی شامل ہیں۔

غیر ملکی میڈیا نے امکان ظاہر کیا ہےکہ امریکی صدر جوبائیڈن روسی حمایت پر چینی ہم منصب کو فون کریں گے اور انہیں روس کی حمایت کرنے سے متعلق خبردار کریں گے۔