زائرین نے درگاہ لعل شہباز قلندرؒ کے مزار کا مرکزی گیٹ توڑ دیا، متعدد پولیس اہلکار زخمی، صورتحال کشیدہ

سیہون شریف (مانیٹرنگ ڈیسک) زائرین کی جانب سے درگاہ حضرت لعل شہباز قلندرؒ کا مرکزی گیٹ توڑے جانے کے بعد صورتحال کشیدہ ہو گئی ہے۔

اطلاعات کے مطابق زائرین کی جانب سے برصغیر کے عظیم صوفی بزرگ اولیاءٕ حضرت لعل شہباز قلندر کا مرکزی گیٹ ٹوٹنے کی اطلاع ملنے پر علاقہ پولیس اور مقامی انتظامیہ فوری طو پر پہنچی اور اس نے صورتحال کو کنٹرول کرنے کی کوشش کی۔

ذرائع کے مطابق درگاہ حضرت لعل شہباز قلندرؒ سمیت علاقے کا کنٹرول اس وقت رینجرز نے سنبھال لیا ہے۔

ذرائع سے بتایا ہے کہ ایس ایس پی جامشورو جاوید بلوچ سمیت علاقہ پولیس کے اعلیٰ افسران بھی موجود ہیں جب کہ درگاہ کی انتظامیہ کے افراد بھی صورتحال کو سنبھالنے میں معاونت فراہم کر رہے ہیںَ

زائرین کی جانب سے کچھ دیر قبل حضرت لعل شہباز قلندرؒ کے مزار کا مرکزی گیٹ توڑ دیا گیا تھا۔ زائرین مرکزی گیٹ توڑنے کے بعد بڑی تعداد میں مزار کے اندر داخل ہو گئے تھے۔

https://twitter.com/RabNBaloch/status/1377677127991099400?s=19

پولیس کی بھاری نفری کے درگاہ کا کنٹرول سنبھالنے پر زائرین نے درگاہ کے باہر توڑ پھوڑ کی اور متعدد موٹر سائکلیوں کو بھی آگ لگا دی۔

https://twitter.com/HoorainPervaiz/status/1377675487766487040?s=19

ضلعی انتظامیہ نے بتایا کہ حضرت لعل شہباز قلندرؒ کے مزار کو کورونا وائرس کی وجہ سے جاری کردہ ایس او پیز کے تحت 6 اپریل تک کے لیے بند کیا گیا تھا لیکن آج زائرین نے مرکزی گیٹ توڑ دیا اور مزار میں داخل ہو گئے ہیں۔

پولیس نے زائرین کو روکنے کی کوشش کی تو انہوں نے جواب میں پتھراؤ کیا جس سے 8 اہلکار زخمی ہوئے۔

زائرین نے درگاہ کے قریب کھڑی پانچ موٹر سائیکلوں کو بھی نذر آتش کیا جبکہ مرکزی دروازے کو توڑ کر اندر لگی قناعتوں کو بھی پھاڑ دیا۔

https://twitter.com/TanveerWagan/status/1377682777999605764?s=19

حضرت لعل شہباز قلندرؒ کا عرس مبارک کل دو اپریل کو ہے جس میں شرکت کے لیے عقیدت مندوں کی بڑی تعداد مزار پہ پہنچی ہے۔

https://twitter.com/ShamsP6/status/1377677454354055175?s=19