شام: عدالتی کمپلیکس کے باہر بم دھماکا، باپ اور 13 سالہ بچہ ہلاک

دمشق( ڈیلی اردو) شام کے شہر الحسکہ میں عدالتی کمپلیکس کے باہر دستی بم کے دھماکے میں ایک شخص اور اس کا 13 سالہ بیٹا ہلاک ہوگئے۔

شامی سرکاری میڈیا کے مطابق دھماکا جمعہ کو مقامی وقت کے مطابق صبح تقریباً ساڑھے 9 بجے ہوا، جس کے بعد سکیورٹی فورسز نے جائے وقوعہ کو گھیرے میں لے لیا۔

شام کی سرکاری خبر رساں ایجنسی کے مطابق دھماکے میں ایک شخص اور ایک بچے کو شدید زخمی حالت میں اسپتال منتقل کیا گیا، تاہم دونوں زخموں کی تاب نہ لاتے ہوئے ہلاک ہوگئے۔

حکام کے مطابق ہلاک ہونے والے دونوں افراد کی فوری طور پر شناخت نہیں ہوسکی، کیونکہ ان کے پاس شناختی دستاویزات موجود نہیں تھیں۔ واقعے کی مزید تحقیقات جاری ہیں۔