شمالی وزیرستان میں خودکش حملہ ناکام، 3 شدت پسند ہلاک، گاڑی تباہ

اسلام آباد (ڈیلی اردو) پاکستان کے شورش زدہ صوبے خیبر پختونخوا کے قبائلی ضلع شمالی وزیرستان میں سیکورٹی فورسز نے خودکش حملہ ناکام بنا کر تین شدت پسندوں کو ہلاک کر دیا گیا۔

پاکستانی فوج کے ترجمان ادارے آئی ایس پی آر نے دعویٰ کیا ہے کہ شمالی وزیرستان میں انٹیلی جنس پر مبنی آپریشن کے دوران تین شدت پسندوں کو ہلاک کر کے خودکش حملے کیلئے تیار کی جانے والی گاڑی کو ناکارہ بنا دیا گیا ہے۔

آئی ایس پی آر کے مطابق شمالی وزیرستان میں ہونے والی کارروائی میں خودکش حملے کے لیے تیار کی جانے والی گاڑی کو ناکارہ بنا دیا۔

بیان میں کہا گیا ہے کہ آپریشن کے دوران سکیورٹی فورسز نے مہارت کے ساتھ مذکورہ جگہ پر کارروائی کی اور اس دوران تین شدت پسندوں کو ہلاک کیا گیا۔