شمالی وزیرستان: 24 گھنٹوں میں 4 اہلکار شہید

اسلام آباد: (ش ح ط) خیبر پختونخوا کے قبائلی ضلع شمالی وزیرستان میں گزشتہ چوبیس گھنٹوں کے دوران سیکیورٹی فورسز پر دو حملوں میں چار اہلکار شہید ہو گئے۔

تفصیلات کے مطابق ضلع شمالی وزیرستان کی تحصیل شوال کے علاقہ گربز میں نامعلوم دہشت گردوں نے گشت پر مامور سیکیورٹی فورسز پر فائرنگ کر دی۔ جس کے نتیجے میں دو سیکیورٹی اہلکار شہید ہوگئے جن کی لاشیں پاک فوج نے اپنی تحویل میں لے لیں اور علاقے میں سرچ آپریشن شروع کردیا ہے۔ آخری اطلاعات تک شہیدوں کی شناخت نہ ہوسکی۔

واضح رہے کہ گزشتہ روز بھی شمالی وزیرستان کی تحصیل میر علی کے علاقے قمر کلہ میں سڑک کے کنارے نصب بارودی مواد زور دار دھماکے سے پھٹ گیا تھا، جس کے نتیجے میں گشت پر مامور 2 سیکیو1رٹی اہلکار صوبیدار روف اور سپاہی عامر شہید ہوگئے تھے۔