عالمی امن مشن میں 6 پاکستانی فوجیوں کیلئے اعلیٰ اعزاز

نیو یارک (ڈیلی اردو) اقوام متحدہ کی تقریب میں 6 پاکستانی امن فوجیوں کو اعزاز سے نوازا گیا، میڈل پانے والوں نےگزشتہ سالاقوام متحدہ کے پرچم تلے خدمات انجام دیتے ہوئے اپنی جانوں کا نذرانہ پیش کیا۔

6 Pakistanis are among 117 @UNPeacekeeping who were honoured posthumously on May 26 at a special ceremony marking the Int'l Day of @UN Peacekeepers.
Amb Munir Akram @PakistanPR_UN received the award for ???????? martyred Peacekeepers#PKDay #PeoplePeaceProgress pic.twitter.com/CdRgV8wEtA

— Permanent Mission of Pakistan to the UN (@PakistanUN_NY) May 26, 2022

ترجمان دفتر خارجہ کے مطابق اقوام متحدہ کے امن دستوں کا عالمی دن آج نیویارک میں اقوام متحدہ کے ہیڈ کوارٹر میں منایا گیا، سیکرٹری جنرل انتونیو گوٹیرس نے تقریب سے خطاب کیا، سیکرٹری جنرل نے 117 فوجی، پولیس اور سویلینز کو ڈاگ ہمارسک گولڈ میڈل عطا کیا۔ میڈل پانے والوں نےگزشتہ سال اقوام متحدہ کے پرچم تلے خدمات انجام دیتے ہوئے اپنی جانیں قربان کیں، ان اعزاز پانے والے امن فوجیوں میں سے چھ پاکستانی بھی شامل ہیں۔

2022 Annual Memorial Service to pay tribute & honour the memory of @UN personnel includes Pakistanis who lost their lives in the service of peace:
????Tahir Ikram, UNAMID
????Tahir Mehmood,@MONUSCO
????Muhammad Naeem,UNAMID
????Adil Jan,UNAMID
????Muhammad Shafeeq,MINUSCA
????Mr Ibrar Syed pic.twitter.com/fapXWGLINc

— Permanent Mission of Pakistan to the UN (@PakistanUN_NY) May 26, 2022

ترجمان نے بتایا کہ اعزاز پانے والوں میں طاہر اکرام، عادل جان، اور امحمد نعیم نے دارفور میں اقوام متحدہ کے مشن میں خدمات انجام دیں، اعزاز پانے والوں میں طاہر محمود جمہوریہ کانگو میں یو این مشن میں خدمات سر انجام دیں، محمد شفیق نے وسطی افریقی جمہوریہ میں یو این مشن میں خدمات سرانجام دیں، جب کہ ابرار سید نے سویلین حیثیت میں خدمات انجام دیں۔

ترجمان کے مطابق اپنی پیشہ ورانہ مہارت اور لگن کے ذریعے پاکستان کے امن فوجیوں نے ہمیشہ ہر مشن میں اپنے آپ کو ممتاز کیا ہے جس میں انہوں نے حصہ لیا ہے۔ پاکستان کی حکومت اور عوام ان تمام امن فوجیوں کو خراج تحسین پیش کرتے ہیں جنہوں نے اقوام متحدہ کے پرچم تلے خدمات انجام دیتے ہوئے اپنی جانوں کا نذرانہ پیش کیا۔