عالمی عدالت انصاف میں بھارتی دہشت گرد کلبھوشن یادیو کیس کا محفوظ، فیصلہ رواں ماہ سنائے گی

اسلام آباد (ڈیلی اردو/ نیوز ایجنسی ) عالمی عدالت بھارتی دہشت گرد اور کمانڈر کلبھوشن یادیو کیس کا محفوظ فیصلہ رواں ماہ سنائے گی۔

حکومتی ذرائع کے مطابق کیس بہت اچھا لڑا، امید ہے پاکستان کی فتح ہوگی۔ کیس کا فیصلہ جولائی کے آخری ہفتے میں سنایا جائے گا۔

خیال رہے کہ 5 مارچ 2019 کو وزیرِ اعظم عمران خان کو عالمی عدالتِ انصاف میں بھارتی جاسوس کلبھوشن یادیو کیس کی کام یاب پیروی کے سلسلے میں بریفنگ دی گئی تھی.

یاد رہے کہ 21 فروری کو ہیگ میں عالمی عدالت انصاف میں کلبھوشن یادیو کیس کی سماعت مکمل ہو ئی تھی، پاکستانی وکلا کی جانب سے مزید دلائل دیے جانے کے بعد عدالت نے کیس کا فیصلہ محفوظ کر لیا۔

اٹارنی جنرل انور منصور نے عالمی عدالت میں بھارت کی جانب سے پاکستان کے عدالتی نظام پر تنقید کا جواب دیا، انھوں نے پاکستان کے ملٹری کورٹس اور سول عدالتوں کے متعدد فیصلوں کے حوالے دیے۔