غزہ: حق واپسی مارچ پر اسرائیلی فوج کی فائرنگ، خواتین اور بچوں سمیت 39 فلسطینی زخمی

مقبوضہ بیت المقدس (ڈیلی اردو) گزشتہ روز غزہ میں اسرائیل کے خلاف رواں سال کے آخری احتجاجی مظاہرے کے دوران صیہونی فوج کی فائرنگ سے خواتین اور بچوں سمیت متعدد فلسطینی زخمی ہوگئے۔

مقامی ذرائع کے مطابق گزشتہ روز جمعہ کو تیرا سالوں سے غیر قانونی ناکہ بندی کا شکار مقبوضہ فلسطین کے شہر غزہ میں قابض صیہونی ریاست اسرائیل کے خلاف رواں سال کی آخری احتجاجی ریلی نکالی گئی۔

????????????➡Pictures of the occupation forces' crackdown on the border marches east of Al-Bureij refugee camp, central Gaza Strip, on Friday 86 of the March of Return and Breaking the Siege⬅
by:Mohammad mhawish#GreatReturnMarch pic.twitter.com/1v1sYzLdB5

— Mohammad mhawish (@MohMhawesh) December 27, 2019

ریلی کے شرکاء نے اسرائیلی سرحد کے قریب صیہونی ریاست کے مظالم کے خلاف احتجاج کیا جس پر صیہونی فوج نے براہ راست فائرنگ کی اور بھاری مقدار میں آنسو گیس کے شیل فائر کئے۔

اب تک کی معلومات کے مطابق صیہونی فوج کی فائرنگ سے خواتین اور بچوں سمیت کم سے کم 39 افراد کے زخمی ہونے کی اطلاع ہے جبکہ بھاری مقدار میں آنسو گیس کی شیلنگ سے درجنوں شہریوں کے بے ہوش ہونے کی بھی اطلاع ہے۔