قندھار : طالبان انٹیلیجنس کے نائب سربراہ ملا تاج میر جواد کی ہلاکت کا دعویٰ

کابل (ڈیلی اردو) نیشنل انڈیپنڈنس فرنٹ نے دعویٰ کیا ہے کہ اس کی فورسز نے 30 اگست کو قندھار کے آئنو مینا اسکوائر کے قریب ایک کارروائی کے دوران طالبان انٹیلی جنس کے فرسٹ ڈپٹی ڈائریکٹر جنرل ملا تاج میر جواد کو ہلاک کردیا۔

تنظیم کے مطابق ملا تاج میر جواد قندھار میں طالبان انٹیلی جنس کے اہم عہدیدار تھے اور ان کی ہلاکت طالبان کے اہم سیاسی و انتظامی مرکز میں سکیورٹی صورتحال سے متعلق سوالات پیدا کرتی ہے۔

نیشنل انڈیپنڈنس فرنٹ نے اس کارروائی کو طالبان حکومت کے خلاف جاری مزاحمتی سرگرمیوں کا حصہ قرار دیتے ہوئے کہا کہ اس کا دائرہ اہم شہروں اور اعلیٰ عہدیداروں تک پھیل رہا ہے۔ تاہم ملا تاج میر جواد کی ہلاکت سے متعلق تنظیم کا دعویٰ آزاد ذرائع سے تاحال تصدیق طلب ہے۔