لاہور: ایسٹر پر دہشت گردی کا بڑا منصوبہ ناکام، 2 دہشت گرد گرفتار

لاہور (اے ڈی شہزاد) کاؤنٹر ٹیررازم ڈیپارٹمنٹ (سی ٹی ڈی) نے پنجاب کے دارالحکومت لاہور میں کارروائی کرتے ہوئے کالعدم تنظیم تحریک طالبان پاکستان کے دو دہشت گردوں کو گرفتار کرلیا۔

ایسٹر کے موقع پر لاہور بڑی دہشتگردی سے بچ گیا، کاؤنٹر ٹیررازم ڈیپارٹمنٹ (سی ٹی ڈی) نے لاہور بند روڈ پر کارروائی کرتے ہوئے 2 دہشت گردوں کو گرفتار کر لیا۔

گرفتار دہشت گردوں میں محب اللہ اور محمد حنیف شامل ہیں، حکومت نے دہشت گرد محب اللہ کے سر کی قیمت 25 لاکھ روپے مقرر کر رکھی تھی۔

سی ٹی ڈی ذرائع کے مطابق گرفتار دہشت گرد عبادت گاہوں کو نشانہ بنانا چاہتے تھے۔

ذرائع کا کہنا ہے کہ گرفتار دہشت گردوں کے پاس سے بارودی مواد، اسلحہ اور دیگر سامان برآمد ہوا جبکہ موبائل فونز اور اقلیتی رہنماوٗں کی لسٹ بھی برآمد ہوئی۔

انسداد دہشت گردی فورس ذرائع کا کہنا تھا کہ دہشتگردوں کا مذہبی اسکالر، اقلیتی رہنماوٗں کو قتل کرنے کا ٹارگٹ تھا۔