لکی مروت میں تخریب کاری کی کوشش ناکام، 45 کلو گرام بم ناکارہ بنادیا

لکی مروت (نمائندہ ڈیلی اردو) پاکستان کے صوبے خیبر پختونخوا کے ضلع لکی مروت میں بم ڈسپوزل سکواڈ (بی ڈی ایس) کی ٹیم کی کامیاب کارروائی کرتے ہوئے تخریب کاری کا بڑا منصوبہ ناکام بنادیا۔

تفصیلات کے مطابق لکی مروت میں پولیس نے تخریب کاری کا بڑا منصوبے ناکام بنا دیا گیا۔

پولیس کے مطابق مین روڈ پر سٹرک کے نیچے رکھے گیے تین ایک ساتھ منسلک 45 کلو وزنی آئی ای ڈی بموں کو ناکارہ بنا دیا گیا۔

پولیس کے مطابق شدت پسندوان کا مقصد سیکیورٹی فورسز کو نشانہ بنانا تھا تاہم بی ڈی ایس اسکواڈ نے 45 کلو بم ناکارہ بنا کر شرپسندوں کی بزدلانہ حرکت اور منصوبے کو کامیاب نہیں ہونے دیا۔

بعد ازاں پولیس نے علاقے کو گھیرے میں لے کر سرچ آپر یشن شروع کر دیا۔