لکی مروت میں جھڑپ، دو دہشت گرد اور دو سیکیورٹی اہلکار ہلاک، دو زخمی

اسلام آباد (ش ح ط) صوبہ خیبر پختونخوا کے ضلع لکی مروت میں سیکیورٹی فورسز اور دہشت گردوں کے درمیان فائرنگ کے نتیجے میں دو مبینہ دہشت گرد اور دو سیکیورٹی اہلکار ہلاک ہوگئے ہیں۔

لکی مروت میں دہشت گردوں کے حملے میں سیکورٹی فورسز کے 2 اہلکار ہلاک اور 2 زخمی ہوگئے جبکہ جوابی کارروائی میں 2 حملہ آور مارے گئے. سکیورٹی فورسز نے علاقے میں سرچ اینڈ سٹرائیک شروع کردیا#Terrorism #LakkiMarwat #Pakistan

— Shabbir Hussain Turi (@ShabbirTuri) January 10, 2024

سرکاری ذرائع کے مطابق لکی مروت میں تھانہ صدر کی حدود میں سیکیورٹی فورسز پر مسلح دہشت گردوں نے حملہ کر دیا، حملے میں سیکیورٹی فورسز کے چار اہلکار شدید زخمی ہوگئے۔

چاروں زخمی اہلکاروں کو ہسپتال منتقل کیا گیا جہاں دو دوران علاج چل بسے۔

پاکستان فوج کے ترجمان ادارے آئی ایس پی آر کے مطابق لکی مروت میں بدھ کو سیکیورٹی فورسز اور ‘دہشت گردوں’ کے درمیان فائرنگ کا تبادلہ ہوا ہے۔ اس دوران دو ‘دہشت گرد’ آفتاب عرف ملنگ اور مسعود شاہ ہلاک ہوگئے ہیں۔

کارروائی کے بعد علاقے میں سیکیورٹی سخت کردی گئی ہے جب کہ مبینہ دہشت گردوں کے ساتھیوں کی گرفتاری کی کوششیں جاری ہیں۔